সৰুপথাৰত ড্ৰাগছ সহ তিনিজনকৈ যুৱক আটক
সৰুপথাৰত ড্ৰাগছ তিনিজনকৈ যুৱক আটক। এটি গোপন সুত্ৰৰ পম খেদি সৰুপথাৰ আৰক্ষী থানাৰ আৰক্ষী বিষয়াসহ এটি আৰক্ষীৰ দলে আজি তিনজনকৈ যুৱকক ড্ৰাগছ সহ হাতেলোটে ধৰিবলৈ সক্ষম হয়। সৰুপথাৰ নাওজান পথত দুজন যুৱক ক্ৰমে সুৰজ বাচফৰ আৰু পবন ঠাকুৰক আটক কৰে। যুৱক দুজন সৰুপথাৰ পদুমনিৰ বুলি জানিব পৰা গৈছে। আনহাতে সৰুপথাৰ নগৰৰ ৫নং ৱাৰ্ডৰ এটি ভাড়া ঘৰত থকা মুকুট আহমেদ ওৰফে ভাইজান নামেৰে এজন যুৱকক আটক কৰে। যুৱকজনে ভাড়াঘৰৰ ভিতৰত মজিয়া খান্দি ড্ৰাগছ পুতি থৈছিল। ইতিমধ্যে তিনিওজন যুৱকক আটক কৰি সৰুপথাৰ আৰক্ষী থানালৈ লৈ যায়। যুৱকেইজনৰ পৰা ১১গ্ৰাম ড্ৰাগছ, দুখন মটৰ চাইকেল, তিনিটাকৈ মোবাইল ফোন আৰু নগদ চাৰিশ টকা জব্দ কৰে।
0 Comments