চেন্নাইত কাম কৰিবলৈ যোৱা সৰুপথাৰৰ দুজন ব্যক্তি সন্ধানহীন।
সৰুপথাৰ সমজিলাৰ পূৱ নাওজান পঞ্চায়তৰ অন্তৰ্গত নলনিপথাৰ অঞ্চলৰ পৰা দুজন ব্যক্তি চেন্নাইৰ এগমোৰত সন্ধানহীন হৈছে। জানিব পৰা তথ্য মতে নলনিপথাৰ অঞ্চলৰ ডিউচ পেচা আৰু মানিক মানকি নামৰ দুজন বয়োজেষ্ঠ ব্যক্তি চেন্নাইত কাম কৰাৰ উদ্দেশ্যৰে যোৱা ৩নৱেম্বৰ তাৰিখে নলনিপথাৰৰ নিজ ঘৰৰ পৰা ৰাওনা হৈছিল। কিন্তু তেওঁলোক দুয়োজনেই চেন্নাইৰ এগমোৰ ষ্টেচন পোৱাৰ পিছত ৰেলৰ পৰা নামিছিল বুলি পৰিয়ালৰ লোকে জনাইছে। যোৱা ৮নৱেম্বৰ তাৰিখে ডিউচ পেচা নামৰ ব্যক্তিজন পৰিয়ালৰ লগত ফোন যোগে যোগাযোগ হৈছিল আৰু তাতে মানিক মানকি নামৰ ব্যক্তিজন সন্ধানহীন হৈছে বুলি জানিবলৈ দিয়ে। পিছত ডিউচ পেচা নামৰ ব্যক্তিজনৰ মোবাইল ফোনটোও চুইটচ অফ হোৱাত সেইদিন ধৰি পৰিয়ালৰ লোকে দুয়োজন ব্যক্তিৰে কোনো সন্ধান পোৱা নাই। যাৰবাবে গভীৰভাৱে চিন্তিত হৈ পৰিছে পৰিয়ালৰ লোক আৰু উপায়ন্তৰ হৈ সৰুপথাৰ আৰক্ষী থানাত এখন এজাহাৰ দাখিল কৰে। কিন্তু শেষ যোগাযোগ কৰা আজি আঠদিন বাগৰাৰ পিছতো বৰ্তমানলৈকে দুয়োজন লোকৰ কোনো খবৰ=খাতি পোৱা নাই। ইফালে মানিক মানকি নামৰ ব্যক্তিজনৰ লগত মোবাইল ফোনো নাই। সেয়েহে কোনো সদাশয় লোকে ব্যক্তি দুজনক প্ৰত্যক্ষ কৰিলে 9957744962 আৰু 9387775307 মোবাইল নম্বৰত খবৰ দিবলৈ অনুৰোধ কৰিছে।
0 Comments