গন্ধকৰৈত অনুষ্ঠিত ফুটবল প্ৰতিযোগিতাৰ চূড়ান্ত খেলত বৈষ্ণৱ গাঁও একাদশ বিজয়ী।
২নং গন্ধকৰৈ গাঁৱত অৱস্থিত "গন্ধকৰৈ মিলনজ্যোতি ক্লাবে" বিগত বৰ্ষ সমূহৰ দৰেই এইবাৰো ধাৰাবাহিকতা অক্ষুণ্ণ ৰাখি ২৪তম "স্বৰ্গীয় অতনু গগৈ আৰু স্বৰ্গীয়া ৰীণা বৰা সোঁৱৰণী" চলন্ত ট্ৰফী ফুটবল প্ৰতিযোগিতাখনিৰ সংঘৰ খেলপথাৰৰ আয়োজন কৰে। দেওবাৰে ফুটবল প্ৰতিযোগিতাখনিৰ চুড়ান্ত খেলখন বৈষ্ণৱ গাঁও ফুটবল একাদশ আৰু উৰিয়ামঘাট চিলনীজানৰ বলোৰাম ফুটবল একাদশৰ মাজত অনুষ্ঠিত হয়। চুড়ান্তখেলখনত দুয়োটা দলেই আৰম্ভণিৰে পৰা সুন্দৰ খেল প্ৰদৰ্শন কৰে আৰু ৪/৩ গলৰ ব্যৱধানত বৈষ্ণৱ গাঁও ফুটবল একাদশ বিজয়ী হয়। খেলৰ অন্তত মিলনজ্যোতি ক্লাবে বিজয়ী আৰু ৰাণাৰ্চ আপ দলৰ মাজত বঁটা বিতৰণি অনুষ্ঠানৰ আয়োজন কৰে। গন্ধকৰৈ মিলনজ্যোতি ক্লাবে ফুটবল খেলখনৰ দ্বাৰা উঠি অহা প্ৰজন্মক খেলৰ প্ৰতি আকৰ্ষিত কৰাৰ লগতে সকলোৰে মাজত ভাতৃত্ববোধ তথা সদভাৱ সম্প্ৰীতি জগাই তুলিবলৈ কৰা প্ৰয়াসক সকলোৱে শলাগ জনাইছে।
0 Comments