সৰুপথাৰত ভয়ঙ্কৰ পথ দুৰ্ঘটনা। সৰুপথাৰৰ চাই বাবা মন্দিৰৰ সমীপত সন্ধিয়া ৬মান বজাত সংঘটিত হয় এক ভয়ঙ্কৰ পথ দুৰ্ঘটনা। জানিব পৰা তথ্য মতে উৰিয়ামঘাটৰ পৰা সৰুপথাৰ অভিমুখে আহি থকা এখন তীব্ৰ বেগী AS05U 1336নম্বৰৰ হোন্দা মটৰ চাইকেলে এখন চাইকেল আৰু এজন পথাচাৰীক খুন্দা মাৰে। ফলত কৈৰিগাঁও অঞ্চলৰ বাবু কলিতা নামৰ বাইক আৰোহী জনৰ থিতাতে মৃত্যু ঘটে। আনহাতে বাইক চালক পানজান অঞ্চলৰ পংকজ গগৈ, চাইকেলত আৰোহী গন্ধকৰৈ গাঁওৰ আকাশ কোঁৱৰ আৰু পথাচাৰী জামুগুৰি পানবাৰী অঞ্চলৰ অবিনাশ মিশ্ৰ গুৰুতৰ ভাৱে আঘাটপ্ৰাপ্ত হয়। ঘটনাস্থলীত আৰক্ষী উপস্থিত হৈ আৰু ততাতৈয়াকৈ আটাইকেইজনকে ১০৮এম্বুলেন্স যোগে সৰুপথাৰ সমূহীয়া চিকিৎসালয়ত ভৰ্তি কৰে যদিও চিকিৎসকে বাবু কলিতা নামৰ লোকজনক মৃত বুলি ঘোষণা কৰে। বাকী আঘাটপ্ৰাপ্তকেইজন বৰ্তমান চিকিৎসাধীন হৈ আছে।
0 Comments