বিজেপি দল থাকিবনে তাৰ নাই গেৰাণ্টি

মুখ্যমন্ত্ৰী নিজেই বিজেপি দলত থাকিব নাই তাৰ গেৰাণ্টি নাই-গৌৰৱ গগৈ।

লোকসভা নিৰ্বাচন সমাগত। সেয়েহে সকলো ৰাজনৈতিক দলেই লোকসভা নিৰ্বাচনৰ বাবে যোৰদাৰ প্ৰস্তুতি চলাইছে। শুক্ৰবাৰে সৰুপথাৰ সমষ্টিত উপস্থিত হল কলিয়াবৰৰ সাংসদ গৌৰৱ গগৈ। সাংসদ গৰাকীয়ে সৰুপথাৰ অঞ্চলৰ কেইবাটাও অঞ্চলত বিভিন্ন উন্নয়ন মূলক কামৰ আধাৰশিলা স্থাপন কৰি সৰুপথাৰস্থিত ব্লক কংগ্ৰেছ কমিটিৰ কাৰ্যালয়ত উপস্থিত হয় আৰু এখন দলীয় সভাত ভাগ লয়। সাংসদ গৰাকীয়ে সাংবাদিকৰ প্ৰশ্নত উত্তৰ দি বিজেপি দলক কটু সমালোচনা কৰি কয় বিজেপি দলত পুৰণি কৰ্মীৰ স্থান নাই। গতিকে বিজেপি দলত কংগ্ৰেছ দলৰ বিধায়ক গৈ বিজেপিহে শূণ্য কৰিছে। আৰু মুখ্যমন্ত্ৰী নিজেই বিজেপি দলত থাকিব নাই তাৰ গেৰাণ্টি নাই। বিজেপি দলৰ কোনেে কত বাগান কিনিছে, কোনে কত ৰিজৰ্ট খুলিছে, বিজেপিয়ে চলাই থকা কেলেংকাৰি এইবিলাক আমাতকৈ ৰাইজেই ভালদৰে উত্তৰ দিব। গোলাঘাটৰ জিলা সভাপতি দাদু টাইয়ে মুখ্যমন্ত্ৰীক গলবস্ত্ৰ পিন্ধোৱা সন্দৰ্ভত তেওঁৰ লগত আলোচনা কৰি সিদান্ত লব বুলি মত প্ৰকাশ কৰে। আনহাতে কংগ্ৰেছ বিধায়কদ্বয় কমলা দে পুৰকায়স্থ আৰু বসন্ত দাস সন্দৰ্ভত সাংসদগৰাকীয়ে কৰিমগঞ্জৰ বিজেপি আৰু মঙ্গলদৈৰ বিজেপি কৰ্মীয়েহে আমাতকৈ বেচি চিন্তিত হৈছে বুলি কয়। মোক অসমবাসী ৰাইজে ভাল পায় আৰু মৰম কৰে। মোক সদায় আশীৰ্বাদহে কৰে বুলি মন্তব্য কৰে।