৭২০গৰাকী মহিলায়ে একেলগে গালে দিহানাম।
ধনশিৰি মহকুমাৰ বিভিন্ন প্ৰান্তৰ প্ৰায় ৭২০গৰাকী মহিলায়ে তথা সৰ্বমুঠ ৬০টা দিহানামৰ দলে আজি সৰুপথাৰ বাৰেখেলীয়া বৰনামঘৰত একেলগে জুৰিলে দিহানাম। আগন্তুক ডিচেম্বৰ মাহৰ ১৭ তাৰিখে অসম চৰকাৰৰ দ্বাৰা দিহানামৰ বিশ্বৰেকৰ্ড গঢ়াৰ লক্ষৰে ৰাজ্যৰ ভিন্ন প্ৰান্তত প্ৰস্তুতি চলিছে। সমান্তৰালভাৱে সৰুপথাৰ সমষ্টিটো আজিৰে পৰা সৰুপথাৰ বাৰেখেলীয়া নামঘৰ প্ৰাঙ্গনত আখৰা আৰম্ভ হৈছে। সৰুপথাৰ সমষ্টিৰ বিধায়ক বিশ্বজিৎ ফুকনৰ উপস্থিতিত আজি গোলাঘাট জিলা দিহানাম বিশ্বৰেকৰ্ড সমিতিৰ সম্পাদিকা সোণমাই গগৈয়ে বাৰেখেলীয়া নামঘৰত একত্ৰিত হোৱা ৬০টা দিহানামৰ দলক প্ৰশিক্ষণ আগবঢ়াই।
0 Comments