ধনশিৰি মটৰ শ্ৰমিক ইউনিয়নৰ উদ্যোগত উলহ-মালহেৰে বিশ্বকৰ্মা পূজাৰ আয়োজন।
আজি শ্ৰীশ্ৰীবিশ্বকৰ্মা পূজা। বিভিন্ন প্ৰান্তৰ লগতে ধনশিৰি মহকুমাৰ সৰুপথাৰ নগৰতো ধনশিৰি মটৰ শ্ৰমিক ইউনিয়নে প্ৰতি বছৰৰ দৰে এইবাৰো অতি উলহ-মালহেৰে বিশ্বকৰ্মা পূজা ভাগিৰ আয়োজন কৰিছে। ধনশিৰি মহকুমাৰ সকলো মটৰ শ্ৰমিক একত্ৰিত হৈ আয়োজন কৰা এইপূজাভাগত পুৱাৰ ভাগৰে পৰা বিভিন্ন ভকত বৈষ্ণৱ আহি বাবা বিশ্বকৰ্মাৰ চৰণত সেৱা জনাইছে। শ্ৰমিক সংগঠনটোৰ বিষয়ববীয়া সকলে জনোৱা মতে তেওঁলোকে গোটেই বছৰটো গাড়ী চলাইয়েই জীৱন নিৰ্বাহ কৰে। সেয়েহে বাবা বিশ্বকৰ্মাই যাতে তেওঁলোকক অপায়-অমঙ্গলৰ পৰা মুক্ত কৰি সুন্দৰভাৱে নিজ কৰ্ম কৰি যাবলৈ শক্তি প্ৰদান কৰে তাৰ বাবে তেওঁৰ চৰণত পূজা অৰ্চনা কৰি আশীষ কামনা কৰে।
0 Comments