বৰপথাৰ দীঘলী অঞ্চলৰ এগৰাকী মহিলা নিৰুদ্দেশ।
ধনশিৰি মহকুমাৰ বৰপথাৰ অঞ্চলৰ দীঘলী গাঁওৰ পুনম তাঁতী নামৰ এগৰাকী বিবাহিত মহিলা নিৰুদ্দেশ। প্ৰাপ্ত তথ্য মতে পুনম তাঁতী দীঘলী গাঁওৰ বাসিন্দা ৰাজেশ গোৱালা আৰু চুমি গোৱালাৰ পুত্ৰ বাপন গোৱালাৰ বিবাহিতা পত্নী। কৰ্মসূত্ৰে বাপন গোৱালা বাংগালোৰত থাকে। সেয়েহে পত্নী পুনম গোৱালা সৰুপথাৰ বেতনি অঞ্চলৰ মোমায়েকৰ ঘৰত আছিল। বাপনে বাংগালোৰৰ পৰাই পুনমৰ একাউণ্টত মাজে সময়ে পইছা=পাতি পথিয়াই থাকে। যোৱা বুধবাৰে পুনমে এ টি এমৰ পৰা পইছা আনিবলৈ যাও বুলি মোমায়েকৰ ঘৰৰ পৰা ওলাই আহিছিল আৰু সেই সময়ৰ পৰাই মহিলা গৰাকী নিৰুদ্দেশ হৈ আছে। শহুৰ=শাহুৱেকৰ লগতে মোমায়েকৰ ঘৰৰ লোকে পৰিয়ালৰ সকলো আত্মীয়ৰ ঘৰত খবৰ=খাতি লয় যদিও পুনমৰ কোনো সন্ধান নোপোৱাত সৰুপথাৰ আৰক্ষী থানাত এখন এজাহাৰ দাখিল কৰিছে বুলি জানিবলৈ দিয়ে। কোনো সদাশয় লোকে পুনমৰ সন্ধান পালে 9395135905 মোবাইল নম্বৰত খবৰ দিবলৈ পৰিয়ালৰ লোকে আহ্বান জনাইছে।
0 Comments