যোৰহাটৰ পৰ্ণ ভিডিঅ' কাণ্ডৰ পিচত এইবাৰ তোলপাৰ লগাইছে গোলাঘাট জিলাৰ সৰুপথাৰৰ সীমান্তৱৰ্তী মধ্যমপুৰ সোণোৱাল গাঁও ৷ পৰ্ণ চাইডত গাঁওখনৰে এগৰাকী বিবাহিত মহিলাৰ অশ্লীল ভিডিঅ' ভাইৰেল হৈ পৰাৰ পিচত গাঁওখনলৈ উক্ত মহিলাগৰাকীৰ প্ৰৱেশ নিষিদ্ধ কৰিছে সোণোৱাল গাঁৱৰ ৰাইজে ৷ পৰ্ণ চাইডত থকা মহিলাগৰাকীৰ কেইবাটাও অশ্লীল ভিডিঅ'ই চিন্তিত কৰি তুলিছে সচেতন মহলক ৷ অসম নাগালেণ্ড সীমান্তৱৰ্তী এখন গাঁৱৰ পৰা কামৰ সন্ধানত বুলি ওলাই যোৱা মহিলাগৰাকীয়ে কাৰ চক্ৰত পৰি মায়ানগৰী মুম্বাইৰ অশ্লীল জগতত ভৰি দিলে তাক কেন্দ্ৰ কৰি চিন্তিত হৈ পৰিছে গাঁওবাসী ৷ আনহাতে, দুষ্টচক্ৰৰ কবলত পৰি সহজ সৰল গাঁৱৰ জীয়ৰী-বোৱাৰী যাতে এনে কাণ্ডত লিপ্ত হব নোৱাৰে তাৰবাবে প্ৰশাসনক ব্যৱস্থা গ্ৰহণৰ দাবী তুলিছে গাঁওবাসীয়ে ৷
0 Comments