Sarupathar BMP Restaurant

 

সৰুপথাৰ নগৰত আজিৰে পৰা আৰম্ভ হল BMP ৰেষ্টুৰেণ্ট।

সৰুপথাৰ নগৰত আজিৰে পৰা আৰম্ভ হল BMP নামেৰে এখনি অত্যাধুনিক ৰেষ্টুৰেণ্ট। সৰুপথাৰ নগৰৰ অসম গ্ৰামীণ বিকাশ বেংকৰ সমীপত বৰগোহাঁই কমপ্লেক্সত আৰম্ভ কৰা ৰেষ্টুৰেণ্টখন আজি সৰুপথাৰ সমষ্টিৰ বিধায়ক বিশ্বজিৎ ফুকনে মুকলি কৰে। সুন্দৰ আৰু জাকত জিলিকাকৈ নিৰ্মাণ কৰা এই ৰেষ্টুৰেণ্ট খনত সকলো ধৰণৰ থলুৱা খাদ্যৰ লগতে ফাষ্টফুড উপলব্ধ। অসম ৰাজ্যিক জীৱিকা অভিযানৰ জীৱিকা সখী জ্যোতিমণি মৰাণ আৰু তেওঁৰ পৰিয়ালবৰ্গই আৰম্ভ কৰা ৰেষ্টুৰেণ্টখন সম্পুৰ্ণ মহিলাৰ  দ্বাৰা পৰিচালিত হব। এগৰাকী অসমীয়া উদ্যমী মহিলাই সৰুপথাৰ নগৰৰ মাজমজিয়াত এনেদৰে ব্যৱসায় কৰিবলৈ আগবঢ়াত সকলোৱে শুভকামনা আগবঢ়াইছে। জ্যোতিমনিয়ে ইয়াৰ পূৰ্বে সৰুপথাৰ নগৰতে BMP নামেৰে এখনি Unisex পাৰ্লাৰ খুলি বৰ্তমানলৈকে সুন্দৰভাৱে ব্যৱসায় চলাই আছে। তেওঁ এই ব্যৱসায়সমূহৰ জৰিয়তে নিজে স্বাৱলম্বী হোৱাৰ লগতে বহুতো যুৱক=যুৱতীক সংস্থাপন দিবলৈ সক্ষম হৈছে। তেওঁৰ BMP ৰেষ্টুৰেণ্টখন যাতে সুন্দৰভাৱে আগবঢ়াই নিব পাৰে তাৰবাবে সকলোৰে পৰা আশীৰ্বাদ আৰু শুভকামনা কামনা কৰিছে।